મહાલક્ષ્મી વ્રત – મહાલક્ષ્મી વ્રત

આ વ્રત ભાદ્રવ સુદની આઠમની તિથિથી કરવામાં આવે છે. આ સોળ દિવસ સુધી કરવામાં આવે છે. આ દિવસે સ્નાન કરીને સોળ વાર હાથ, પગ અને મોં ધોયા પછી સોળ દોરાવાળો એક દોરો લો અને તેને પૂજામાં રાખો. મહાલક્ષ્મીનું પૂજન કર્યા પછી સૌથી પહેલાં દોરડાને જમણા હાથથી બાંધી લો.

પ્રાચીન કાળની વાત છે, એક ગામમાં એક બ્રાહ્મણ રહેતો હતો. તે બ્રાહ્મણ નિયમ અનુસાર ભગવાન વિષ્ણુનું પૂજન પ્રતિદિન કરતો હતો.

તેની ભક્તિથી પ્રસન્ન થઈને ભગવાન વિષ્ણુએ તેને દર્શન આપ્યા અને ઈચ્છા અનુસાર વરદાન આપવાનું વચન આપ્યું.

બ્રાહ્મણે માતા લક્ષ્મીનો વાસ પોતાના ઘરમાં થવાનું વરદાન માંગ્યું. બ્રાહ્મણના એવું કહેવા પર ભગવાન વિષ્ણુએ કહ્યું અહીં મંદિર હું પ્રતિદિન એક સ્ત્રી આવે છે અને તે અહીં છાણના છાણા થાપે છે.

એ જ માતા લક્ષ્મી છે, તમે તેમને તમારા ઘરમાં આમંત્રિત કરો. દેવી લક્ષ્મીના ચરણ તમારા ઘરમાં પડવાથી તમારું ઘર ધન-ધાન્યથી ભરાઈ જશે.

એવું કહીને ભગવાન વિષ્ણુ અદ્રશ્ય થઈ ગયા. હવે બીજા દિવસે સવારથી જ બ્રાહ્મણ દેવી લક્ષ્મીની રાહમાં મંદિરની સામે બેસી ગયો.

જ્યારે તેણે લક્ષ્મીજીને છાણના છાણા થાપતા જોયા, તો તેણે તેમને પોતાના ઘરે પધારવાનો આગ્રહ કર્યો.

બ્રાહ્મણની વાત સાંભળીને લક્ષ્મીજી સમજી ગયાં કે આ વાત બ્રાહ્મણને વિષ્ણુજીએ જ કહી છે. તો તેમણે બ્રાહ્મણને મહાલક્ષ્મી વ્રત કરવાની સલાહ આપી.

લક્ષ્મીજીએ બ્રાહ્મણને કહ્યું કે તમે 16 દિવસો સુધી મહાલક્ષ્મી વ્રત કરો અને વ્રતના છેલ્લા દિવસે ચંદ્રમાનું પૂજન કરીને અર્ધ્ય આપવાથી તમારું વ્રત પૂર્ણ થઈ જશે.

બ્રાહ્મણે પણ મહાલક્ષ્મીના કહ્યા અનુસાર વ્રત કર્યું અને દેવી લક્ષ્મીએ પણ તેની મનોકામના પૂર્ણ કરી. તે જ દિવસથી આ વ્રત શ્રદ્ધાથી કરવામાં આવે છે.